ბათუმში, "Golden Talent 2011"-ის პირველი საკონკურსო დღის გამარჯვებული ქართველი მონაწილე სალომე ქათამაძე გახდა. მან ვარსკვლავთა ჟიურის შეფასებით, მაქსიმალური 50 ქულა მიიღო.

"ჩემთვის ბათუმი არის გამარჯვების ქალაქი. ველოდი, რომ საქართველოს სახელით ვიმღერებდი კარგად და მივიღე, რაც ღმერთმა მაჩუქა", - აღნიშნა სალომე ქათამაძემ.

პოპმუსიკის კონკურსზე მსოფლიოს 18 ქვეყანა მონაწილეობს, მათ მსოფლიო ჰიტები შეასრულეს, გამარჯვებულიც ვარსკვლავთა და საპროდიუსერო ჟიურის მეშვეობით გამოვლინდა.

მომდევნო საკონკურსო დღეს სალომე ქათამაძე გიგა კუხიანიძის სიმღერას, With out you შეასრულებს.